İtaliyalı tennisçi 38 ildən sonra rekordu təkrarlayıb

İtaliyalı tennisçi Yannik Sinner 38 ildən sonra rekordu təkrarlayıb.

"Report" xəbər verir ki, 23 yaşlı idmançı buna "2024 ATP Finals"ın həlledici oyununda ABŞ-dən olan Teylor Fritsə qalib gəlməklə nail olub.

Dünyanın bir nömrəli raketka ustası 1986-cı ildən sonra heç bir setdə uduzmadan bu turniri qazanan ilk tennisçidir.

Qeyd edək ki, 1986-cı ildə İvan Lendl eyni uğura imza atıb. Sinner yarışın finalında Fritsi 2:0 (6:4, 6:4) hesabı ilə üstələyib.