Azərbaycan klubu Çempionlar Liqasının 1/4 finalına yüksəlib

Minifutbol üzrə EMF Çempionlar Liqası davam edir.

QELEBE.AZ Azərbaycan Minifutbol Federasiyasına istinadən xəbər verir ki, ölkəmizi təmsilçisi “Beerbaşa” yarışdakı uğurlu seriyasını davam etdirir.

1/8 finalda Rumıniya çempionu “Old Boys”la qarşılaşma qolsuz başa çatıb. Penaltilər seriyasında daha dəqiq olan təmsilçimiz 2:1 hesablı qələbə qazanıb.

Bununla da “Beerbaşa” adını qitənin ən güclü səkkiz klubu arasına yazdırıb. Komandamız bu gün axşam Bakı vaxtı ilə saat 23:00-da 1/4 final oyununa çıxacaq.

Qeyd edək ki, Azərbaycan minifutbol tarixində ilk dəfə təmsilçimiz 1/4 finalda oynayacaq.