"Real" "Liverpul"un iki aparıcı futbolçusunu azad agent kimi heyətinə qatmaq istəyir

İspaniyanın "Real" klubu İngiltərə təmsilçisi "Liverpul"un iki aparıcı futbolçusunu yay transfer dönəmində azad agent kimi heyətinə qatmaq istəyir.

"Report" xəbər verir ki, bu barədə "Defensa Central" nəşri məlumat yayıb.

Hazırkı İspaniya çempionu yanvarda mersisaydlıların kapitanı Trent Aleksander-Arnold və vitse-kapitan Vircil van Deykla danışıqlar aparmaq niyyətindədir.

Qeyd edək ki, hər iki oyunçunun "Liverpul"la hazırkı müqaviləsinin müddəti 2025-ci ilin yayında başa çatacaq. Onlar yanvarın 1-dən digər klublarla danışıq aparmaq ixtiyarına sahibdirlər.