Rafael Ağayev "Karate Combat"da titul görüşünə çıxacaq
https://qalaba.az//uploads/photo/rafael-agayev-karate-combatda-titul-gorushune-chixacaq.webp
Azərbaycanın karate üzrə 5 qat dünya və 11 qat Avropa çempionu, Tokio-2020 Yay Olimpiya Oyunlarının gümüş mükafatçısı Rafael Ağayev peşəkarların mübarizə apardığı "Karate Combat"da ağır çəkidə titul görüşünə çıxacaq.
"QELEBE.AZ"un məlumatına görə, 37 yaşlı idmançı dekabrın 17-də ABŞ təmsilçisi Raymond Danielslə üz-üzə gələcək.
Ağayev rəsmi instaqram hesabında istəyinin kəməri qazanmaq olduğunu bildirib: "Allah utandırmasın. Hər kəs dua etsin. Əlimdən gələni edəcəyəm. Bu kəməri qazansam, yeni versiya üzrə dünya çempionu olacağam".
Qeyd edək ki, Rafael Ağayev 2018-ci ildən "Karate Combat"da mübarizə aparır.
