Futbolda yenilik: Qapıçı oyunda topu əlində 8 saniyədən artıq saxlasa, rəqib komandaya küncdən zərbə veriləcək

Beynəlxalq Futbol Assosiasiyaları Şurası (IFAB) oyun qaydalarında dəyişiklik edib.

QELEBE.AZ xəbər verir ki, qurum qapıçılara tətbiq olunan topu əldə saxlama qaydası barədə müzakirələr aparıb.

Nəticədə növbəti mövsümdən etibarən, oyunda qapıçı topu əlində 8 saniyədən artıq saxlayarsa, rəqib komandaya küncdən zərbə veriləcək.

Hakimlər buna uyğun saniyəölçənlə təmin ediləcək. Bunu IFAB-ın mətbuat xidməti açıqlayıb.

Qeyd edək ki, həmin qayda daha öncə 6 saniyə idi.