"Turan Tovuz"un məşqçisi: "Araz-Naxçıvan"la matçda 2 xal itirdik"

Bugünkü matçda 2 xal itirdik.

"Report" xəbər verir ki, bunu "Turan Tovuz"un məşqçisi Yunis Hüseynov "Araz-Naxçıvan"a qarşı Misli Premyer Liqasının XXXI turunun oyunundan sonra baş tutan mətbuat konfransında deyib.

Mütəxəssis heç-heçə başa çatan görüşü şərh edib:

"Qələbə qazanmaq üçün meydana çıxmışdıq. Komandamız pis təsir bağışlamadı. Əfsuslar olsun olsun ki, qapımızda qol gördük. Qarşıda oyunlarımız var. Düşünürəm ki, bu gün iki xalı biz itirdik".

Qeyd edək ki, XXXI turun görüşündə "Turan Tovuz" səfərdə "Araz-Naxçıvan"la heç-heçəyə razılaşıb - 1:1.