Yaşar Bəşirov: "Karateçilərimizdən belə nəticə gözləmirdim"

Yaşar Bəşirov: "Karateçilərimizdən belə nəticə gözləmirdim"

"İdmançılarımızdan belə nəticə gözləmirdim. Çünki dünyanın ən güclü karateçiləri Azərbaycana gəlmişdi".

Bunu "QELEBE.AZ"a açıqlamasında Azərbaycan Milli Karate Federasiyasının (AMKF) prezidenti Yaşar Bəşirov Bakıda keçirilmiş Premyer Liqa turniri barədə danışarkən deyib.

Funksioner yarışda yüksək nəticə qazandıqlarını bildirib: "Turnirdən əvvəl mətbuat konfransında 1 qızıl medal qazana biləcəyimizi söyləmişdim. Ən yaxşı halda 2 qızıl medala ümid edirdim. Amma 3 qızıl və 3 bürünc medala yiyələndik. Bu nəticə Azərbaycan karatesinin inkişaf etdiyini göstərir. Premyer Liqada tək kumitedəki nəticələrə görə, birinci olduq. Yaponiya bizi kata yarışlarına görə medal sıralamasında üstələdi. Ümumi sıralamada ikinci yeri tutduq. Yaponiya katada çox güclüdür. Hətta kumite yarışında Misir kimi ölkəni də keçdik".

Bəşirov titullu idmançı Rafael Ağayevin davamçılarının yaxşı nəticələr qazandığını vurğulayıb: "20 yaşlı idmançımız Əminağa Quliyev yalnız gənclər arasında turnirlərdə yer tutmuşdu. Bakıda isə qızıl medal qazandı. Asiman Qurbanlı (+84 kq) və İrina Zaretska (68 kq) təcrübəli karateçilərimizdəndir. Onlardan qızıl medal gözləyirdik. Hər ikisi gözləntiləri doğrultdu. Növbəti dəfə Azərbaycanın bayrağını və adını ucaltdıq".

AMKF prezidenti göstərilən nəticədə dövlət səviyyəsində diqqət və qayğının rolunu vurğulayıb: "Ölkə başçısı, Milli Olimpiya Komitəsinin prezidenti İlham Əliyevə təşəkkür edirəm. Onun bizə və digər idman növlərinə çox köməyi dəyir, karateyə isə simpatiyası var. Bunu Ümumdünya və Avropa Karate Federasiyasının prezidenti Antonio Espinosla görüşündə sübut etdi. Güclü qrafik və çoxlu işi olmasına baxmayaraq, onu qəbul etdi. Espinos mənə Azərbaycan karatesindən çox razı olduğunu bildirdi. İnanıram ki, qarşıda daha gözəl nəticələr əldə edəcəyik. Milli Olimpiya Komitəsinə, Gənclər və İdman Nazirliyinə də minnətdarlığımı bildirmək istəyirəm".

Bəşirov Ümumdünya Karate Federasiyasının Bakıdakı yarışın təşkilatçılığından tam razı qaldığını diqqətə çatdırıb: "Hamı gördü ki, ölkəmizdə hansı səviyyədə yarışlar keçirilir və hansı səviyyədə karateçilər var. İnanıram ki, idmanımız daha çox inkişaf edəcək və kütləvi olacaq. Çalışacağıq ki, karate bütün regionlarda inkişaf etsin".

Federasiya rəhbəri karatenin 2028-ci il Los-Anceles Yay Olimpiya Oyunlarında yer alma ehtimalına da toxunub: "6 - 12 oktyabrda Beynəlxalq Olimpiya Komitəsinin iclası keçiriləcək. Karate artıq namizədlərdən biridir. Espinos həmin toplantıya qatılacaq və karatenin burada təqdimatı gerçəkləşəcək".

Qeyd edək ki, Premyer Liqa turnirində Əminağa Quliyev (60 kq), Asiman Qurbanlı (+84 kq) və İrina Zaretska (68 kq) qızıl, Tural Ağalarzadə (67 kq), Turqut Həsənov (84 kq) və Murad Hacızadə (+84 kq) bürünc medal qazanıblar.

Fərdi
Rəşad Nəbiyev regionlarda cüdonun inkişaf etdirilməsi ilə bağlı tapşırıq verib

Rəşad Nəbiyev regionlarda cüdonun inkişaf etdirilməsi ilə bağlı tapşırıq verib

Fərdi
Azərbaycan millisi beynəlxalq turnirdə birinci yeri tutub

Azərbaycan millisi beynəlxalq turnirdə birinci yeri tutub

Fərdi
Avarçəkmə üzrə dünya və Avropa çempionatı Azərbaycanda keçirilə bilər

Avarçəkmə üzrə dünya və Avropa çempionatı Azərbaycanda keçirilə bilər

Fərdi
Şəhriyar Məmmədyarov beynəlxalq turnirdə daha 3 qələbə qazanıb

Şəhriyar Məmmədyarov beynəlxalq turnirdə daha 3 qələbə qazanıb

Fərdi
Cüdo üzrə Azərbaycan çempionatında fərdi mübarizəyə yekun vurulub

Cüdo üzrə Azərbaycan çempionatında fərdi mübarizəyə yekun vurulub

Fərdi
Muxtar Babayev: "Futboldakı təcrübəmi alpinizmdə tətbiq edəcəyəm"

Muxtar Babayev: "Futboldakı təcrübəmi alpinizmdə tətbiq edəcəyəm"

Fərdi
Gövhər Beydullayevadan sonra Abdulla Qədimbəyli də dünya çempionu olub

Gövhər Beydullayevadan sonra Abdulla Qədimbəyli də dünya çempionu olub

Fərdi
"Champions Showdown-2022" turniri: Şəhriyar Məmmədyarov 3-cü yeri tutub

"Champions Showdown-2022" turniri: Şəhriyar Məmmədyarov 3-cü yeri tutub

Fərdi
MOK-da Ağacan Abiyevin 85 illik yubileyi qeyd edilib

MOK-da Ağacan Abiyevin 85 illik yubileyi qeyd edilib

Fərdi
Azərbaycanlı atıcı daha bir beynəlxalq yarışın qalibi olub

Azərbaycanlı atıcı daha bir beynəlxalq yarışın qalibi olub

Fərdi
Rauf Məmmədov Azərbaycan çempionatının qalibi olub

Rauf Məmmədov Azərbaycan çempionatının qalibi olub

Fərdi
Bakıdakı Dünya Kubokuna qatılacaq dünya yığmasının heyəti açıqlanıb

Bakıdakı Dünya Kubokuna qatılacaq dünya yığmasının heyəti açıqlanıb