İngiltərə Futbol Assosiasiyası Sautgeytin postunda qalacağını təsdiqləyib

İngiltərə Futbol Assosiasiyası (EFA) millinin baş məşqçisi Qaret Sautgeytin postunda qalacağını təsdiqləyib.

"QELEBE.AZ"un məlumatına görə, bu barədə EFA rəsmi tviter hesabı vasitəsi ilə açıqlama yayıb.

52 yaşlı mütəxəssis 2024-cü ildə Almaniyada keçiriləcək Avropa çempionatında da komandanın sükanı arxasında olacaq.

Qeyd edək ki, Qaret Sautgeyt 2016-cı ilin sentyabrından İngiltərə millisinə başçılıq edir. Böyük britaniyalılar təcrübəli mütəxəssisin rəhbərliyi altında Qətərdə keçirilən dünya çempionatının 1/4 final mərhələsində Fransaya 1:2 hesabı ilə uduzaraq mübarizəni dayandırıb.