Azərbaycan millisinin baş məşqçisi: "Dünya Seriyasının yekununda yaxşı nəticə əldə etmək istəyirik"

Çimərlik güləşi üzrə Azərbaycan millisi Dünya Seriyasının növbəti dörd mərhələsində də iştirak edərək yekunda yaxşı əldə etməyi planlaşdırır.

Bu barədə "Report"a yığmanın baş məşqçisi Oyan Nəzəriani açıqlama verib.

Mütəxəssis Xorvatiyanın Poreç şəhərində Dünya Seriyasının 2-ci mərhələsində bir qızıl və bir gümüş medal qazanmaları ilə bağlı fikirlərini bölüşüb:

"Bürünc mükafat əldə edən 19 yaşlı güləşçimiz Vüsal Əliyev (80 kq) gənc yaşına baxmayaraq çox yaxşı çıxış etdi. O, yarımfinalda sərbəst güləşdə Avropa çempionu olmuş ukraynalı Vasil Mixaylova uduzdu. Həmin görüşü də yaxşı təsir bağışlamışdı. Xırda səhvə görə finala vəsiqə yüksələ bilmədi. Ümid edirəm ki, növbəti turnirlərdə də nəticələr qazanacaq və ölkəmizi layiqincə təmsil edəcək. Bu çəkidə kifayət qədər güclü idmançılar var idi. Bu qədər titullu güləşçinin arasında Vüsalın bürünc medal əldə etməsi məni sevindirir".

O, qızıl mükafat qazanan İbrahim Yusubovun (90 kq) gözləntiləri doğrultduğunu vurğulayıb:

"Birinci mərhələdə iştirak etməməmişik. Buna görə xal baxımından digər komandalardan bir az geri ola bilərik. Amma növbəti dörd mərhələnin hamısında iştirak edərək yekunda yaxşı nəticə əldə etməyi planlaşdırırıq".

Qeyd edək ki, Dünya Seriyasının 3-cü mərhələsi 6-7 sentyabrda Mərakeşin Kasablanka şəhərində keçiriləcək.