Azərbaycanın minifutbol millisinin dünya çempionu olması münasibətilə Bakıda şəhər turu keçirilir

Azərbaycanın minifutbol millisinin Bakıda keçirilmiş dünya çempionatının qalibi olması münasibətilə şəhər turu keçirilir.

"Report" xəbər verir ki, şəhər turunda mundialda mübarizə aparmış yığma üzvləri iştirak edirlər.

Marşrut Bakının tarixi və görməli yerlərindən keçir.

Bundan sonra konsert proqramının keçirilməsi planlaşdırılır.

Xatırladaq ki, Elşad Quliyevin rəhbərlik etdiyi Azərbaycan millisi minifutbol üzrə dünya çempionatının final matçında Macarıstan yığmasını məğlub edib. İyunun 1-də Milli Gimnastika Arenasında keçirilən qarşılaşma yığmanın 4:2 hesablı qələbəsi ilə yekunlaşıb.

Foto: Məhəmməd Ağayev