Halil Rauntri Bakıda keçiriləcək UFC turnirində iştirak etmək üçün Azərbaycana gəlib
https://qalaba.az//uploads/photo/halil-rauntri-bakida-kechirilecek-ufc-turnirinde-ishtirak-etmek-uchun-azerbaycana-gelib.webp
Yarım ağır çəki dərəcəsində UFC-nin sabiq titul iddiaçısı Halil Rauntri iyunun 21-də Bakıda keçiriləcək UFC gecəsinin əsas döyüşündə iştirak etmək üçün Azərbaycana gəlib.
Bu barədə "Report"a Bakı Şəhər Halqasından bildirilib.
Bu gün idmançı Bakının tarixi hissəsi olan İçərişəhərdə gəzintiyə çıxıb. Rauntri Şirvanşahlar sarayını ziyarət edib, Qız qalasına qalxıb, həmçinin Azərbaycan xalçaçılıq sənəti ilə tanış olub. O, hətta xalça toxuma prosesində iştirak edib.
Bakıdakı UFC gecəsinin əsas qarşılaşması keçmiş UFC yarım ağır çəki çempionu Camal Hill ilə Halil Rauntri arasında baş tutacaq. Həmin gecənin ikinci ən vacib döyüşü isə həmyerlimiz Rafael Fiziyev ilə Çili təmsilçisi İqnacio Baxamondes arasında yüngül çəkidə keçiriləcək. Turnir çərçivəsində, həmçinin Azərbaycan təmsilçiləri Nazim Sadıxov və Tofiq Musayev oktaqona çıxacaqlar. Onların rəqibləri isə müvafiq olaraq, braziliyalı Nikolas Motta və qırğızıstanlı Mıqtıbek Orolbay olacaq.
