Gürcüstanlı MMA ulduzu: "Bakıda hər şey yüksək səviyyədə təşkil olunub"
https://qalaba.az//uploads/photo/gurcustanli-mma-ulduzu-bakida-her-shey-yuksek-seviyyede-teshkil-olunub.webp
Mütləq Döyüş Çempionatının (UFC) Bakıda keçiriləcək turnirində hər şey yüksək səviyyədə təşkil olunub.
"Report"un məlumatına görə, UFC-nin Bakıda keçiriləcək turniri üçün Azərbaycan gələn məşhur MMA döyüşçüsü Merab Dvalışvilii jurnalistlərə açıqlamasında deyib.
34 yaşlı gürcüstanlı idmançı ilk dəfə ölkəmizə gəldiyini bildirib:
"Hər şey yüksək səviyyədədir. Yeməklərinizi bəyənirəm. Azərbaycan və Gürcüstan dost ölkələrdir. Burada olduğum üçün xoşbəxtəm".
O, Azərbaycan təmsilçisi Nazim Sadıxov haqqında danışıb:
"Onunla dostluq edirik. ABŞ-də məşqlər etmişik. UFC turniri üçün sürpriz hazırlamışıq. Bunu döyüş vaxtı görəcəksiniz. Yarışın ölkənizdə təşkili üçün şanslısınız. Mən də Gürcüstanda keçirilməsini istəyirəm. Amma bu, olduqca çətindir.
Qeyd edək ki, “UFC Fight Night” iyunun 21-də Bakı Kristal Zalında baş tutacaq.
