“Bild”: "Bavariya"nın futbolçusu oyunları 5 ayadək buraxa bilər
https://qalaba.az//uploads/photo/bild-bavariyanin-futbolchusu-oyunlari-5-ayadek-buraxa-biler.webp
"Bavariya"nın və Almaniya millisinin yarımmüdafiəçisi Camal Musiala klublararası dünya çempionatının 1/4 finalında Fransanın PSJ klubu ilə matçda aldığı zədə səbəbindən oyunları 5 aya qədər buraxa bilər.
"QELEBE.AZ"un məlumatına görə, bu barədə "Bild" qəzeti yazıb.
Mənbənin bildirdiyinə görə, Musialanın sol ayağının sümüyü sınıb. Bərpa müddəti dörd aydan beş aya qədər davam edə bilər.
PSJ - "Bavariya" matçı parislilərin 2:0 hesablı qələbəsi ilə yekunlaşıb. İlk hissənin sonunda Musiala PSJ-nin qapıçısı Canluici Donnaruma ilə toqquşma nəticəsində ayağından ciddi zədə alıb və oyunu davam etdirə bilməyib. Alman futbolçunu meydandan xərəkdə çıxarıblar.
