Andrey Şevçenkonun oğlu ingilis klubuna keçib
https://qalaba.az//uploads/photo/andrey-shevchenkonun-oglu-ingilis-klubuna-kechib.webp
Ukrayna millisinin əfsanəvi futbolçusu Andrey Şevçenkonun oğlu Kristian İngiltərənin "Uotford" klubu ilə peşəkar müqavilə imzalayıb.
"Report" xəbər verir ki, bu barədə ingilis klubunun rəsmi saytı məlumat yayıb.
Hücumçu 2023-cü ildən "Uotford"un müxtəlif gənclər komandalarında çıxış edib. Ötən mövsüm 11 qol vuran Kristian eyni zamanda səkkiz məhsuldar ötürmə ilə yadda qalıb.
Müqavilə bir il müddətinə nəzərdə tutulub, üstəlik, bir mövsüm uzadıla bilər.
Qeyd edək ki, Andrey Şevçenko 2004-cü il "Qızıl top" mükafatının sahibi olub. O, "Dinamo Kiyev" və "Milan" klublarının heyətində ölkə çempionluqları yaşayıb.
