Azərbaycanın yunan-Roma güləşi millisi dünya çempionatına Türkiyədə hazırlaşır

Azərbaycanın yunan-Roma güləşi millisi dünya çempionatına Türkiyədə hazırlaşır.

"QELEBE.AZ" Güləş Federasiyasının mətbuat xidmətinə istinadən xəbər verir ki, ötən gün səfərə yollanan komanda Türkiyə Güləş Federasiyasının İstanbulun Sarıyer qəsəbəsində yerləşən təlim-məşq bazasında məskunlaşıb.

Yerli komanda ilə birgə keçiriləcən hazırlıq prosesi iki həftə davam edəcək. Toplanış həm fiziki, həm də taktiki-texniki çalışmaları əhatə edəcək.

Sentyabrda Xorvatiyada təşkil ediləcək dünya çempionatına hazırlıq xarakteri daşıyan hazırlıq prosesində baş məşqçi Aleksandr Tarakanov, böyük məşqçi Rövşən Bayramov, məşqçilər Həsən Əliyevlə Kamran Məmmədovun rəhbərliyi altında Eldəniz Əzizli, Elmir Əliyev, Rəşad Məmmədov (hamısı 55 kq), Nihat Məmmədli, Hüseyn Qəribov, İlkin Qurbanov, Nihad Quluzadə (hamısı 60 kq), Murad Məmmədov, Ziya Babaşov (hər ikisi 63 kq), Həsrət Məmmədyarov, Fərid Xəlilov, Məhəmməd Şükürzadə (hamısı 67 kq), Ülvü Qənizadə (72 kq), Sənan Süleymanov (77 kq), Qurban Qurbanov (82 kq), İslam Abbasov, Laçın Vəliyev (hər ikisi 87 kq), Murad Əhmədiyev (97 kq), Sərxan Məmmədov və Beka Kandelaki (hər ikisi 130 kq) yer alıblar.