"Qalatasaray" Elias Jelertlə yollarını ayırıb

"Qalatasaray" Elias Jelert Kristensenin satınalma bəndi ilə müvəqqəti transferi üçün "Sauthempton"la razılıq əldə edib.

Apasport.az xəbər verir ki, bu barədə klubun rəsmi sosial media hesabı məlumat yayıb.

Müqaviləyə əsasən, "Sauthempton" bu keçid üçün 300 000 avro müvəqqəti transfer haqqı ilə yanaşı 250 000 avro bonus ödəyəcək.

Bundan əlavə, futbolçunun maaşını "Sauthempton Football Club Limited" şirkəti ödəyəcək.

Satınalma seçimi həyata keçirilərsə, "Sauthempton" "Qalatasaray"a 8.500.000 avro transfer haqqı verəcək.

Həmçinin futbolçunun sonrakı satışından əldə olunan qazancın 10%-i "cimbom"a ödənəcək.