“Milan”dan “Əl-Şabab”a - RƏSMİ

“Milan”ın futbolçusu Yasin Adli karyerasını Səudiyyə Ərəbistanınında davam etdirəcək.

QELEBE.AZ xəbər verir ki, 25 yaşlı yarımmüdafiəçi “Əl-Şabab”a transfer olub.

Bu barədə klubun mətbuat xidməti məlumat yayıb.

Fransalı futbolçu ilə 3 illik müqavilə imzalanıb. Razılaşmaya əsasən, "Əl-Şabab" bu keçid üçün rossonyerilərə 8 milyon avro ödəyib.

Qeyd edək ki, Yasin adli ötən mövsümü icarə əsasında “Fiorentina”da çıxış edib. O, bu komanda ilə meydana çıxdığı 35 rəsmi matçda 5 qol və 7 məhsuldar ötürmə ilə yadda qalıb.