"Real Madrid"in qol seriyası qırılıb

İspaniyanın "Real Madrid" klubunun qol seriyası qırılıb.

“QELEBE.AZ” xəbər verir ki, Madrid təmsilçisi La Liqanın XIX turunda “Real Sosyedad”la oyunda rəqib qapısına yol tapa bilməyib.

“Santyaqo Bernabeu”da baş tutan qarşılaşma 0:0 hesabı ilə yekunlaşıb. Bununla “kral klubu” cari mövsüm bütün turnirlərdə keçirdiyi 30-cu görüşündə ilk dəfə qol vura bilməyib.

Karlo Ançelottinin kollektivi bundan əvvəlki 29 matçın hamısında ən azı bir dəfə rəqibi mərkəzə dəvət etməyi bacarıb.

Qeyd edək ki, 42 xalla turnir cədvəlinin ikinci pilləsində qərarlaşan “Real” lider “Barselona”dan 5 xal geri qalır.