Türkiyə Superkuboku: "Qalatasaray" yarımfinalda "Trabzonspor"la qarşılaşacaq - YENİLƏNİR

Bu gün futbol üzrə Türkiyə Superkubokunda ilk yarımfinal oyunu keçiriləcək.

Apasport.az xəbər verir ki, "Qalatasaray" finala gedən yolda "Trabzonspor"la üz-üzə gələcək.

Qaziantep Böyükşəhər Stadionunda təşkil ediləcək qarşılaşma Bakı vaxtı ilə saat 21:30-da başlayacaq.

Bu raundun digər görüşü yanvarın 6-da “Fənərbaxça” və “Samsunspor” komandaları arasında gerçəkləşəcək.

Final matçı yanvarın 10-da Atatürk Olimpiya Stadionunda oynanılacaq.