“Qəbələ” yeni transfer edir - TSXADADZE AÇIQLADI

Misli Premyer Liqası təmsilçilərindən “Qəbələ” növbəti transferini reallaşdıracaq.

Apasport.az xəbər verir ki, bunu komandanın baş məşqçisi Kaxaber Tsxadadze açıqlayıb.

Mütəxəssis Azərbaycan Kubokunun 1/4 final mərhələsinin “Sabah”la matçından sonra keçirilən mətbuat konfransında söyləyib.

Onun sözlərinə görə, yaxın günlərdə komandanın son transferinin də rəsmiləşməsi gözlənilir. Bununla da, “Qəbələ” 5-ci keçidini reallaşdıracaq və transfer pəncərəsini yekunlaşdıracaq.

Qeyd edək ki, qarşılaşma 0:0 hesablı bərabərliklə nəticələnib.