Şahin Diniyev: “Özümüz qapımıza iki qol vurduq”

Şahin Diniyev: “Özümüz qapımıza iki qol vurduq”

“Sabah” istədiyini bizim hesabımıza bacardı. Rəqib yox, özümüz öz qapımıza iki qol vurduq”.

“QELEBE.AZ”un məlumatına görə, bunu “Səbail”in baş məşqçisi Şahin Diniyev “Sabah”a 0:4 hesabı ilə məğlub olduqları Premyer Liqanın XXI tur oyunundan sonra “CBC Sport” kanalına açıqlamasında deyib.

57 yaşlı mütəxəssis rəqibin erkən qol üçün təzyiq edəcəyini öncədən bildiklərini söyləyib: “Oyuna planlı şəkildə çıxmışdıq. İlk 15 dəqiqəni etibarlı şəkildə sadə futbolla keçirmək istədik. “Sabah”ın matçın startından etibarən təzyiq göstərəcəyini gözləyirdik. “Qarabağ”ın xal itirməsindən sonra çoxları bu gün “Sabah”dan qələbə gözləyirdi. Rəqib daha rahat olmaq üçün erkən qol vurmaq istəyirdi. Çünki dəqiqələr keçdikcə onlara çətin olacaqdı. “Sabah” ən yaxşı oyun göstərən komandalardan biridir. Bu cür rəqibə qarşı geridönüş etmək çətindir”.

Diniyev komandasının ikinci hissədəki performansından razılıq bildirib: “İkinci hissədəki oyun istədiyim futbol idi. Mənə gələcəyə nikbin baxmağa kömək etdi. Fasilədən sonra başabaş mübarizə apardıq, qol vəziyyətləri yaratdıq. Oyun üstünlüyü bizim tərəfimizə keçdi. Turnir cədvəlinin sonuncu pilləsində olmağımız futbolçulara psixoloji gərginlik yaradır. Onları bu durumdan heç cür çıxara bilmədik. Fasilədə dedim ki, uduzsaq belə, futbol oynayaq. Məncə, bu cür oyunla gələcəkdə daha yaxşı nəticələr göstərə biləcəyik”.

Baş məşqçi əlavə edib ki, əsas problemləri heyətlərinin kasad olmasıdır: “Belə kiçik komandada heyətin kasad olması, üstəlik, əsas heyətin dörd oyunçusunun iştirak etməməsi komandaya təsir göstərdi. “Sabah” meydanda azlıqda qalanda ikinci hücumçunu meydana buraxmaq istədim. Mirabdulla Abbasov, Ağabala Ramazanov, Maksim Çex və Kizito Luvaqa olmadığından, rotasiya eləmək gücündə deyildim. Sadəcə, yarımmüdafiəçini hücuma buraxdıq”.

Şahin Diniyev transfer pəncərəsinin son günlərində iki transfer reallaşdırmaq istədiklərini deyib: “Qış fasiləsində yaxşı oyunçu tapmaq çətindir. Fevralın 8-nə qədər iki mövqeyi gücləndirməyə çalışacağıq. Mərkəz müdafiəçisinə və yarımmüdafiəçiyə ehtiyacımız var. Düzdür, şansımız azdır. Amma axırıncı şansdan da istifadə etməyə çalışacağıq. Skaut şöbəmiz bununla bağlı işlərini davam etdirir. Sabaha qədər nəsə olmalıdır”.

Futbol
Qurban Qurbanov: “Sevindiklərini görmədim”

Qurban Qurbanov: “Sevindiklərini görmədim”

Futbol
Daha bir ölkə dünya çempionatı üçün yekun heyətini açıqlayıb

Daha bir ölkə dünya çempionatı üçün yekun heyətini açıqlayıb

Futbol
2022-ci ildə indiyədək ən çox qol vurmuş futbolçular bəlli olub

2022-ci ildə indiyədək ən çox qol vurmuş futbolçular bəlli olub

Futbol
Çilili baş məşqçi Braziliya millisinə rəhbərlik edə bilər

Çilili baş məşqçi Braziliya millisinə rəhbərlik edə bilər

Futbol
Azərbaycan Premyer Liqası: "Neftçi" autsayderlə oyunda xal itirib

Azərbaycan Premyer Liqası: "Neftçi" autsayderlə oyunda xal itirib

Futbol
“İmişli”yə texniki məğlubiyyət verilib

“İmişli”yə texniki məğlubiyyət verilib

Futbol
Xorvatiya yığmasının futbolçusu 4 il müddətinə diskvalifikasiya olunub

Xorvatiya yığmasının futbolçusu 4 il müddətinə diskvalifikasiya olunub

Futbol
“Mançester Yunayted” Ronaldonu 720 min avro cərimələyəcək

“Mançester Yunayted” Ronaldonu 720 min avro cərimələyəcək

Futbol
"Qəbələ" UEFA Gənclər Liqasına məğlubiyyətlə başlayıb

"Qəbələ" UEFA Gənclər Liqasına məğlubiyyətlə başlayıb

Futbol
"Kəpəz" komandasının baş məşqçisi istefaya göndərilib

"Kəpəz" komandasının baş məşqçisi istefaya göndərilib

Futbol
Rusiya Ukrayna millisinin baş məşqçisinin futboldan kənarlaşdırılmasını istəyir

Rusiya Ukrayna millisinin baş məşqçisinin futboldan kənarlaşdırılmasını istəyir

Futbol
"Mançester Yunayted"in qapıçısı Azərbaycan millisinə qarşı oynamayacaq

"Mançester Yunayted"in qapıçısı Azərbaycan millisinə qarşı oynamayacaq