Türkiyə millisinin oyunu ingilislərə həvalə olunub

DÇ-2026-nın seçmə mərhələsinin pley-off finalı çərçivəsində Türkiyə ilə Kosovo arasında keçiriləcək matçının təyinatları açıqlanıb.

Apasport.az xəbər verir ki, oyunu İngiltərədən olan ədalət təmsilçiləri idarə edəcəklər.

Bu barədə FIFA-nın mətbuat xidməti məlumat yayıb.

Görüşün baş hakimi Maykl Oliver olacaq. Ona yan xətt hakimləri Stüart Bört ilə Ceyms Meynverinq köməklik göstərəcəklər. Dördüncü hakim funksiyasını isə Kristofer Kavanax yerinə yetirəcək.