Azərbaycan millisinin rəqibi yeni baş məşqçisini açıqlayıb

AVRO-2024-ün seçmə mərhələsində Azərbaycan millisi ilə eyni qrupda yer alan Belçika yığmasının yeni baş məşqçisi müəyyənləşib.

“Report” xəbər verir ki, Belçika Kral Futbol Assosiasiyasının mətbuat xidməti Domeniko Tedeskonun komandanın sükanı arxasına gətirildiyini açıqlayıb.

38 yaşlı italiyalı mütəxəssis AVRO-2024-ün sonuna qədər müqavilə imzalayıb. O, bu postda 2022-ci ildə Qətərdə keçirilən dünya çempionatından sonra istefaya göndərilən Roberto Martinezi əvəzləyib.

Qeyd edək ki, Azərbaycan millisi seçmə mərhələnin F qrupunda Belçika seçməsi ilə sentyabrın 9-da Bakıda, noyabrın 19-da isə Brüsseldə qarşılaşacaq.