“Milan” hücumçusu ilə yeni müqavilə imzalayıb

İtaliya "Milan"ı futbolçusu Olivye Jiru ilə yeni müqavilə imzalayıb.

“Report” xəbər verir ki, bu barədə italiyalı jurnalist Canluka Di Martsio sosial şəbəkə vasitəsilə məlumat yayıb.

Onun sözlərinə görə, 37 yaşlı hücumçu bu gün A seriyasının çempionu ilə 2024-cü ilin yayına qədər nəzərdə tutulan yeni sözləşməyə qol çəkib.

Qeyd edək ki, Olivye Jiru bu mövsüm bütün turnirlərdə keçirdiyi 27 oyunda 10 qol vurub və 6 məhsuldar ötürmə verib.