"Yunayted"in Baleba arzusu baş tutmadı: "BRAYTON"UN TƏLƏBİ YÜKSƏKDİR

"Mançester Yunayted" heyətini gücləndirmək niyyətindədir.

QELEBE.AZ xəbər verir ki, klub Karlos Baleba və Miki van de Venin xidmətində maraqlıdır.

Buna baxmayaraq "qırmızı şeytanlar" "Brayton"la razılığa gələ bilmir. Buna səbəb "qağayılar"ın futbolçunun transfer qiymətini yuxarı qaldırmasıdır.

Mankunianlar Baleba üçün 75 milyon funt-sterlinq ödəməyə hazırdır. "Brayton" isə 100 milyon funt-sterlinqdən aşağı məbləğ qəbul etmir.

"Yunayted" müdafiənin mərkəzinə də van de Veni transfer etmək niyyətindədir.

Qeyd edək ki, Baleba bu mövsüm 27 matçda meydana çıxıb. Miki isə 30 oyunda 4 qol və 1 məhsuldar ötürmə ilə yadda qalıb.