Parisdə Mbappe ilə bağlı açıqlamaya görə cinayət işi başlanıb

Paris Prokurorluğu Paraqvay senatoru Selesta Amarilyanın Fransa millisinin futbolçusu Kilian Mbappe barədə səsləndirdiyi açıqlama ilə bağlı araşdırmaya başlayıb.

Bu barədə "RMC Sport" məlumat yayıb.

Məlumata görə, senator təqsirli bilinərsə, onu bir ilədək azadlıqdan məhrumetmə və 45 min avro məbləğində cərimə gözləyir.

Prokurorluq işi milli mənsubiyyət, etnik mənşə, irq və ya din zəminində açıq təhqir və nifrətə çağırış maddələri üzrə araşdırır.