PSJ rəhbərliyi baş məşqçiyə iki oyunluq vaxt verib

Fransanın PSJ klubunun rəhbərliyi baş məşqçi Kristofer Qaltyeyə postunda qalması üçün iki oyunluq vaxt verib.

"QELEBE.AZ" "L Equipe" nəşrinə istinadən xəbər verir ki, 57 yaşlı mütəxəssisin gələcəyi qarşıdakı matçlardan asılıdır.

Liqa çempionluğu təhlükə altında olacağı təqdirdə Qaltye istefaya göndəriləcək.

Bu, baş verməsə belə, fransalı baş məşqçinin mövsümün sonunda klubdan ayrılacağı gözlənilir.

Paris təmsilçisi aprelin 8-də "Nitsa", növbəti həftə isə "Lans"la üz-üzə gələcək.

Qeyd edək ki, PSJ hazırda Liqa 1-də 66 xalla liderdir. "Marsel" və "Lans" 60 xalla növbəti sıraları bölüşdürürlər.