İrəvanda qızıl medal qazanan Türkiyə atleti: “Medalları azərbaycanlı həmkarlarımıza ərmağan edirik”

“Çox xoşbəxtik…Qazandığımız medalları azərbaycanlı həmkarlarımıza ərmağan edirik”.

“QELEBE.AZ” xəbər verir ki, bunları İrəvanda keçirilən ağır atletika üzrə Avropa çempionatda qızıl medal qazanan türkiyəli altel Cansu Bektaş deyib.

“Onlara (azərbaycanlı həmkarlarıma-red) salam olsun. Sizi çox sevirik, yanınızdayıq”, - Avropa çempionatının qızıl medalçısı deyib.

Qeyd edək ki, Cansu Bektaş 45 kq-da fəxri kürsüyə qalxıb. O, birdən qaldırmada 72 kiloqramın öhdəsindən gələrək qızıl medala sahib olub.

İdmançı azərbaycanlı həmkarlarını dəstəklədiyini bildirib.