Ayxan Abbasov: "Yarımfinalda "Neftçi" ilə qarşılaşmağın özü də inkişafdır"

Ayxan Abbasov: "Yarımfinalda "Neftçi" ilə qarşılaşmağın özü də inkişafdır"

"Evdəki qələbənin rəqibi daha aqressiv edəcəyini bilirdik. Yarımfinalda bu komanda ilə qarşılaşmağın özü də inkişafdır".

“QELEBE.AZ”un məlumatına görə, bunu “Turan Tovuz”un baş məşqçisi Ayxan Abbasov “Neftçi”yə 0:2 hesabı ilə məğlub olduqları Azərbaycan Kubokunun yarımfinal mərhələsinin cavab oyunundan sonra mətbuat konfransında deyib.

Tovuzdakı ilk matçda 1:0 hesablı qələbə qazanan bölgə təmsilçisi “Bakcell Arena”dakı qarşılaşmanın son dəqiqələrində iki top buraxaraq, mübarizəni dayandırıb.

42 yaşlı mütəxəssis oyunun ardından məyus olduqlarını söyləyib: “Bu gün rəqibin təzyiqini hiss etdik. Oyunun sonlarında yorğunluq sözünü deyirdi. “Neftçi” cərimə zərbəsindən qol vuraraq, psixoloji üstünlük əldə etdi. Bu gün qismət olmadı. Futbolçularıma, azarkeşlərə təşəkkür edirəm. Azərbaycan futbolunda belə ab-hava üçün darıxmışdıq. Güclənmək, inkişaf üçün vaxt lazımdır. Üzgün olsaq da, qarşıda çempionat oyunu gözləyir. Kuboka kökləndiyimiz üçün stabilliyi itirmişdik. Premyer Liqada qalıb, gələn il daha yaxşı olmaq istəyirik”.

O, müdafiə futbolu sərgiləmələrini evdəki üstünlüyü qorumaq istəyi ilə əlaqələndirib: “Bunu “Neftçi” məcbur etdi. Qapının toxunulmaz saxlanılması üçün bu kimi hallar normaldır. Hücum oyunçuları da istər-istəməz müdafiəyə kömək etmək istəyirdilər. “Neftçi” ilə “Turan Tovuz”u müqayisə edirsinizsə, mənim üçün çətindir. Çempionatdakı 0:4 hesabında açıq futbol oynamışdıq. Rəqibin də üstünlüyünü gördük. Meydançanın hər yerində kompakt olmağa çalışdıq. Bu, rəqibdən və bizim heyətdəki oyunçulardan asılıdır. “Neftçi” ilə “Turan Tovuz”u müqayisə etmək üçün tələsirik”.

Abbasov bu heyətin maksimum gücünün indiki olmadığını söyləyib: “Hər bir komandanın enişi-yüksəlişi olur. Bu mövsüm məqsədimiz elitada qalmaqdır. Heyətin güclənməsi üzərində də işləyəcəyik. Gələn mövsüm daha iddialı olacağıq demək çətindir. Amma bundan yaxşı olmağa çalışacağıq”.

Baş məşqçi son turlarda onları çətin oyunların gözlədiyini əlavə edib: “Biz də təqvimə baxırıq, hesablayırıq. Hər şey ola bilər. 1-2 tur sonra da məsələni həll edə bilərik. Çempionat mübarizəli gedir. Kubok bitdi, indi gücü çempionata qoyacağıq. Hər şeyə hazır olmalıyıq”.

Futbol
Nuralı Alip: "Azərbaycan millisi bizimlə matça fərqli hazırlaşacaq"

Nuralı Alip: "Azərbaycan millisi bizimlə matça fərqli hazırlaşacaq"

Futbol
Qazaxıstan millisinin qapıçısı: "Bakıda istənilən nəticə qeydə alına bilər"

Qazaxıstan millisinin qapıçısı: "Bakıda istənilən nəticə qeydə alına bilər"

Futbol
Moldova – Azərbaycan oyunun hakimləri açıqlanıb

Moldova – Azərbaycan oyunun hakimləri açıqlanıb

Futbol
“Qarabağ”ın oyununda bir dəqiqəlik sükut olub

“Qarabağ”ın oyununda bir dəqiqəlik sükut olub

Futbol
Fariz Nəcəfov: "Klublar Komitəsinin gördüyü iş ortada olacaq"

Fariz Nəcəfov: "Klublar Komitəsinin gördüyü iş ortada olacaq"

Futbol
"Olimpiakos"un direktoru: "O, Azərbaycanda qəhrəman hesab edilir"

"Olimpiakos"un direktoru: "O, Azərbaycanda qəhrəman hesab edilir"

Futbol
“Qəbələ” ikinci hazırlıq matçında qələbə qazanıb

“Qəbələ” ikinci hazırlıq matçında qələbə qazanıb

Futbol
“Sabah”ın baş məşqçisi: "Parlaq oyunun şahidi olduq"

“Sabah”ın baş məşqçisi: "Parlaq oyunun şahidi olduq"

Futbol
FIFA Serbiya milli komandasını cəzalandırıb

FIFA Serbiya milli komandasını cəzalandırıb

Futbol
"Zirə" Niger millisinin futbolçusu ilə müqavilə imzalayıb

"Zirə" Niger millisinin futbolçusu ilə müqavilə imzalayıb

Futbol
Aleksandr Səmədov Rusiya millisinin AVRO-2024-ə buraxılmamasına münasibət bildirib

Aleksandr Səmədov Rusiya millisinin AVRO-2024-ə buraxılmamasına münasibət bildirib

Futbol
Almaniyalı futbolçu: "Dostlarım dedi ki, Azərbaycana köçsəm, karyeramı bitirəcəyəm"

Almaniyalı futbolçu: "Dostlarım dedi ki, Azərbaycana köçsəm, karyeramı bitirəcəyəm"