Vüqar Talıbov: "Qızıl medala hava-su kimi ehtiyacım var idi"

Vüqar Talıbov: "Qızıl medala hava-su kimi ehtiyacım var idi"

"Çox sevincliyəm. Azərbaycan xalqına və məşqçilərimizə təşəkkür edirəm. Bu qızıl medala hava-su kimi ehtiyacım var idi".

Bunu Çexiyanın paytaxtı Praqada gənclər arasında keçirilən Avropa çempionatında qızıl medal qazanan Azərbaycan cüdoçusu Vüqar Talıbov "QELEBE.AZ"un yarışa ezam olunmuş əməkdaşına açıqlamasında deyib.

90 kq çəki dərəcəsində fəxri kürsünün ən yüksək pilləsinə qalxan idmançı ona inanan şəxsi məşqçisi Ramiz Ramizzadəyə də minnətdar olduğunu bildirib: "Sevinirəm. Uzun müddət medal qazana bilmirdim. Sonuncu dəfə 2019-cu ildə nəticə vermişəm. Qələbəmi ailəmə və şəxsi məşqçimə həsr edirəm. Heç kim mənə güvənməyəndə, onlar mənə inanırdı. Allah şəhidlərimizə rəhmət etsin. Medalımı həm də şəhid qardaşlarıma həsr edirəm".

İdmançı 1/4 final mərhələsində zədələnən gürcüstanlı rəqibi Tornike Poladişvilini çiynində daşıması barədə danışıb: "Poladişvili ilə şəxsi tanışlığımız var. Ayağının əzildiyini gördüm və onun orada qalmasını istəmədim. Bu, cüdonun gözəllikləridir. Bunu hər kəs etməlidir".

Talıbov 2019-cu ildən sonra başına xoş olmayan hadisələrin gəldiyini xatırladıb: "Zədələndim və əməliyyat olundum. Koronavirusa da yoluxmuşdum və çox yarışlara qatılmadım. İştirak etdiyim turnirlərdə isə istənilən kimi çıxış edə bilmirdim. Sonuncu dünya çempionatına da qızıl medal üçün getmişdim. Amma zədə buna imkan vermədi. Hazırkı qızıl medal isə onları yudu. Bunun davamlı olacağına ümid edirəm. Əsas məqsədim 2024-cü ildə Parisdə keçiriləcək Yay Olimpiya Oyunlarıdır. Məqsədimə çatacağıma inanıram. Bunun üçün əziyyət çəkirəm".

Yeniyetmələr arasında olimpiya çempionu olan cüdoçu həmin titulun da onun üçün daha önəmli olduğunu vurğulayıb: "Çünki yarış dörd ildən bir təşkil olunur. Amma mən 2019-cu ildəm sonra nəticə verə bilmirdim. Əhval-ruhiyyəm düşmüşdü. Məncə, bu medal daha şirindir. 2018-ci ildə yeniyetmələr arasında olimpiya çempionu olanda müsahibəmdə bildirmişdim ki, 2024-cü ildə böyüklər arasında eyni uğuru təkrarlamaq niyyətindəyəmn. İstəyim də budur. Onun üçün əziyyət çəkirəm. Bu, sadəcə, başlanğıc idi".

66 kq-da olimpiya çempionu olan cüdoçu çəkisini qaldırması barədə də fikirlərini bölüşüb: "66 kq-da yarışmaq üçün xeyli çəki salırdım. Bu, mənim üçün əziyyətli idi. Lakin olimpiada böyük yarış olduğu üçün məcbur bunu edirdim. Düşünürəm ki, idmançı hər çəkidə güləşməyi bacarmalıdır. Hazır olduqdan və məşq etdikdən sonra hər şey mümkündür. İnam olanda istənilən çəkidə çempion ola bilərsən. Çoxları mənə inanmırdı. Çünki çəkini 66 kq-dan 90 kq-a qaldırdım. Bu, bəziləri üçün çətin görünür. Amma bunun öhdəsindən gəldim".

Talıbov 90 kq-dakı digər cüdoçu Məmmədəli Mehdiyevlə rəqabət haqqında bunları deyib: "O, yaxşı insandır. Yoldaşlığımız da var. Artıq illərdir bu çəkinin vahid lideri hesab olunur. Böyük Dəbilqə turnirlərində dəfələrlə medal qazanıb və çempion olub. Mənim isə yaşım azdır. Amma düşünürəm ki, onu qabaqlaya bilərəm. Mən də olimpiadanın qalibi olmaq istəyirəm. Bu vaxtadək 90 kq-da rəqabət yox idi. Amma hazırda rəqabət çoxalıb. Bizdən savayı Murad Fətiyev də bu çəkidə çıxış edəcək. O da gənc idmançıdır və Böyük Dəbilqə turnirlərində iştirak edir. Hər ikisini qabaqlayıb Yay Olimpiya Oyunlarına gedəcəyimə inanıram".

Cüdoçu noyabrda Bakıdakı Böyük Dəbilqədə iştirak etmək istədiyini söyləyib: "Burada öz sözümü deməliyəm. Həmin yarışda Məmmədəli Mehdiyevlə qarşılaşmaq ehtimalım var. Məni Özbəkistanın paytaxtı Daşkənddə keçiriləcək dünya çempionatıı üçün heyətə daxil edəcəklərinə inanmıram. Gənclərin dünya çempionatında qızıl medal qazanan idmançıya böyüklərin yarışında şans verməyi planlaşdırırdılar. Mən də yarışdan əvvəl zədələndim və çempion ola bilmədim. Düşünürəm ki, Böyük Dəbilqə turnirlərində iştirak edəcəyəm. Ölkəmizi layiqincə təmsil etmək istəyirəm".

Fərdi
Naxçıvanda Ümumdünya Şahmat Olimpiadasının açılışı olub

Naxçıvanda Ümumdünya Şahmat Olimpiadasının açılışı olub

Fərdi
Azərbaycan yığmasına Rusiyadan yeni fiqurlu konkisürən cəlb olunub

Azərbaycan yığmasına Rusiyadan yeni fiqurlu konkisürən cəlb olunub

Fərdi
Fərid Qayıbov olimpiya idman komplekslərinin rəhbərləri ilə görüşüb

Fərid Qayıbov olimpiya idman komplekslərinin rəhbərləri ilə görüşüb

Fərdi
Azərbaycanın iki bədii gimnastı beynəlxalq turnirdə qızıl medal qazanıb

Azərbaycanın iki bədii gimnastı beynəlxalq turnirdə qızıl medal qazanıb

Fərdi
Dünya yığması Bakıdakı yarışda bürünc medal qazanıb

Dünya yığması Bakıdakı yarışda bürünc medal qazanıb

Fərdi
UWW reytinqi: Azərbaycanın 4 güləşçisi ili ilk pillədə başa vurub

UWW reytinqi: Azərbaycanın 4 güləşçisi ili ilk pillədə başa vurub

Fərdi
AMADA ötən ay narkotiklə bağlı 195 nəfər arasında sorğu keçirib

AMADA ötən ay narkotiklə bağlı 195 nəfər arasında sorğu keçirib

Fərdi
AGF-in baş katibinə “Tərəqqi” medalı təqdim edilib

AGF-in baş katibinə “Tərəqqi” medalı təqdim edilib

Fərdi
Azərbaycan idmançılarının sentyabr üçün reytinq cədvəli bəlli olub

Azərbaycan idmançılarının sentyabr üçün reytinq cədvəli bəlli olub

Fərdi
"Sumqayıt” liberiyalı futbolçu ilə müqavilə imzalayıb

"Sumqayıt” liberiyalı futbolçu ilə müqavilə imzalayıb

Fərdi
Aydın Süleymanlı: "Vüqar Həşimov Memorialı-2022"də çıxış etmək qürurvericidir"

Aydın Süleymanlı: "Vüqar Həşimov Memorialı-2022"də çıxış etmək qürurvericidir"

Fərdi
Şahmat üzrə gənclər arasında dünya çempionları Vətənə qayıdıb

Şahmat üzrə gənclər arasında dünya çempionları Vətənə qayıdıb