Almaniya Bundesliqasına yüksələn ilk komanda bəlli olub

Bu mövsüm Almaniya Bundesliqasına yüksələn ilk komanda bəlli olub.

"Report"un məlumatına görə, "Darmştadt" klubu II Bundesliqada sona bir tur qalmış elitaya vəsiqəni təmin edib.

Komanda buna XXXIII turda evdə "Maqdeburq"a 1:0 hesabı ilə qalib gələrək nail olub. Yeganə qolu 36-cı dəqiqədə Fillip Tits vurub.

Bu qələbə ilə xallarını 67-yə çatdıran Darmştadt təmsilçisinin ilk iki pillədən birini tutacağı dəqiqləşib.

Qeyd edək ki, bu, "Darmştadt"ın Bundesliqaya 4-cü qayıdışıdır. Komanda sonuncu dəfə 2014/2015 mövsümündə yüksək dəstəyə çıxıb. 2018-ci ildə isə elitanı tərk edib.