Modriç karyerasını “Real”da davam etdirəcək

Luka Modriçin taleyinə aydınlıq gəlib.

Apasport.az saytının məlumatına görə, xorvatiyalı yarımmüdafiəçi karyerasını “Real”da davam etdirəcək.

Luka Səudiyyə Ərəbistanından aldığı təklifdən imtina etməyə qərar verib. 37 yaşlı veteran “Əl-Əhli”yə keçmək istəməyib. O, illik 80 milyon avroluq maaş təklifini qəbul etməyib.

Qeyd edək ki, Modriçin “Real”la müqaviləsi bu yay başa çatacaq.