"Real Madrid" ispaniyalı futbolçu ilə müqavilə imzalayacaq

İspaniyanın "Real Madrid" klubu futbolçusu Dani Sebalyosun müqaviləsinin müddətini uzadacaq.

"Report" xəbər verir ki, bu barədə italiyalı insayder Fabritsio Romano özünün sosial şəbəkə hesablarında paylaşım edib.

Onun sözlərinə görə, 27 yaşlı ispaniyalı yarımmüdafiəçinin yeni sözləşməsi 2027-ci ilin yayınadək nəzərdə tutulacaq.

Qeyd edək ki, Dani Sebalyos ötən mövsüm La Liqada 30 oyuna çıxıb və 4 məhsuldar ötürmə ilə yadda qalıb.