Azərbaycan tennisçiləri Ermənistan millisini məğlub edərək 3-cü qrupa yüksəliblər
https://qalaba.az//uploads/photo/azerbaycan-tennischileri-ermenistan-millisini-meglub-ederek-3-cu-qrupa-yukselibler.webp
Monteneqroda "Davis Cup" turniri başa çatıb.
"Report" xəbər verir ki, yarışın 4-cü qrupunda Azərbaycan millisi də təmsil olunub. Kənan Qasımov və Səfər Rəsulovdan ibarət komandamız baş məşqçi Yalçın Manaflının rəhbərliyi altında Kosovoya məğlub olsa da, sonradan Albaniya və İslandiyanı məğlub edərək növbəti mərhələyə yüksəlib.
Son olaraq komandamız Ermənistan millisi ilə qarşılaşıb. Əzmkar oyun nümayiş etdirən Səfər Rəsulov rəqibini 6:4 və 6:2, Kənan Qasımov isə 6:3 və 6:2 hesabları ilə məğlub edib. Bu möhtəşəm qələbədən sonra Azərbaycan 3-cü qrupa yüksəlib. Ermənistan isə 4-cü qrupda qalmağa məcbur olub.
