Premyer Liqa: Mövsümün ilk oyununda “Turan Tovuz” böyükhesablı qələbə qazanıb - YENİLƏNİB

Azərbaycan Premyer Liqasında 2023/2024 mövsümünə start verilib.

“Report”un məlumatına görə, açılış oyunu “Dalğa Arena”da keçirilib.

Yenidən elitaya qayıdan “Araz-Naxçıvan” I tur çərçivəsində “Turan Tovuz”u qəbul edib. Birinci hissədə qapılara qol vurulmayıb. Qarşılaşmada hesab 53-cü dəqiqədə açılıb. Tovuz təmsilçisinin hücumçusu Martin Petkov fərqlənib. Bolqarıstanlı forvard həm də mövsümdə ilk qolun müəllifi olub.

67-ci dəqiqədə hesab arasındakı fərq iki topa çatıb. Bu dəfə nigeriyalı ön xətt oyunçusu Otto Con naxçıvanlıları mərkəzə dəvət edib. Görüşdə son nöqtəni Martin Petkov qoyub. 87-ci dəqiqədə dublunu rəsmiləşdirən yeni transfer “Turan Tovuz”a böyükhesablı qələbə qazandırıb - 3:0.

Qeyd edək ki, I tur çərçivəsində avqustun 5-də “Səbail” - “Sumqayıt” (18:30), “Qarabağ” - “Zirə” (21:00), ayın 6-da isə “Kəpəz” - “Neftçi” (17:00) və “Sabah” - “Qəbələ” (20:00) matçları oynanılacaq.

Azərbaycan Premyer Liqasında 2023/2024 mövsümünə bu gün “Araz-Naxçıvan” - “Səbail” oyunu ilə start veriləcək.

“Report”un məlumatına görə, komandalar açılış matçına çıxacaqları “11-lik”ləri açıqlayıblar.

“Araz-Naxçıvan”: 91. Semir Bukviç, 6. Vadim Abdullayev, 10. Orxan Əliyev, 3. Turan Manafov, 55. Zamiq Əliyev, 2. Abdulla Rzayev, 29. Vanderson Melo, 23. Nuno Rodriqes, 42. Kadiri Mohammed, 14. Miço Kuzmanoviç, 27. Numan Kurdiç (k)
Ehtiyat oyunçular: 1. Vüsal Şabanov, 7. Nicat Süleymanov, 22. Elçin Mustafayev, 5. Nihad Qurbanlı, 44. Həzrət İsayev, 88. Tuqay Əlizadə, 11. Bayraməli Qurbanov, 13. Mirəli Əhmədov, 9. Elvis Maşike, 8. İsmail Azzaui
Baş məşqçi: Azər Bağırov

“Turan Tovuz”: 13. Aydın Bayramov, 4. Şəhriyar Əliyev (k), 2. Sertan Taşkın, 10. Xəyal Nəcəfov, 77. Fərid Nəbiyev, 5. Roderik Miller, 23. Alexandro Serrano, 25. Denis Marandiçi, 6. Bruno Qonçalves, 80. Otto Con, 79. Martin Petkov
Ehtiyat oyunçular: 1. Tərlan Əhmədli, 85. Kamal Bayramov, 3. Tərlan Quliyev, 39. Sadiq Quliyev, 18. Budaq Nəsirov, 88. Faiq Hacıyev, 99. Veysəl Rzayev, 60. Səbayıl Bağırov, 15. Vüsal Məsimov, 8. Piruzi Marakvelidze, 9. Belajdi Pusi, 11. Ayxan Quseynov
Baş məşqçi: Ayxan Abbasov

Qeyd edək ki, “Dalğa Arena”da keçiriləcək oyun saat 20:00-da başlayacaq.