Avropa çempionatı: Azərbaycan cüdoçuları komanda yarışında medal qazana bilməyiblər
https://qalaba.az//uploads/photo/avropa-chempionati-azerbaycan-cudochulari-komanda-yarishinda-medal-qazana-bilmeyibler.webp
Cüdo üzrə Azərbaycan millisi Almaniyanın Potsdam şəhərində 23 yaşa qədər idmançılar arasında keçirilən Avropa çempionatının komanda yarışında medal qazana bilməyib.
“QELEBE.AZ”un məlumatına görə, qitə birinciliyinin son günündə mübarizəyə 1/4 finaldan başlayan yığma Ukrayna üzərində 4:1 hesablı qələbə qazansa da, uğurlu startın davamını gətirə bilməyib.
Cüdoçularımız əvvəlcə yarımfinalda Almaniyaya 3:4, ardından isə bürünc medal uğrunda görüşdə Gürcüstana 1:4 hesabı ilə məğlub olublar.
Qeyd edək ki, yığmanın 5 üzvü - Aydan Vəliyeva (52 kq), Məhəmməd Musayev (60 kq), Aydın Rzayev (66 kq), Nəriman Mirzəyev (73) və Məhərrəm İmamverdiyev (81 kq) fərdi yarışlarda bürünc medal qazanıblar.
