İngiltərə klubu “Srvena Zvezda”nın 18 yaşlı futbolçusunu transfer edib

İngiltərənin "Aston Villa" klubu Serbiya təmsilçisi “Srvena Zvezda”nın 18 yaşlı futbolçusu Kosta Nedelkoviçi transfer edib.

"QELEBE.AZ" xəbər verir ki, bu barədə Premyer Liqa klubunun rəsmi saytı məlumat yayıb.

Müqavilə şərtlərinə əsasən, serbiyalı müdafiəçi cari mövsümün qalan hissəsini icarə əsasında "Srvena Zvezda"nın heyətində keçirəcək.

Nedelkoviç Serbiya klubunun yetirməsidir. O, əsas komandada 18 oyun keçirib, iki məhsuldar ötürmə edib.

"Transfermarkt" portalı müdafiəçinin dəyərini 2,5 milyon avro qiymətləndirir.