Azərbaycan Basketbol Liqası: "NTD-İndiqo" liderlərə çatıb
https://qalaba.az//uploads/photo/azerbaycan-basketbol-liqasi-ntd-indiqo-liderlere-chatib.webp
Azərbaycan Basketbol Liqasında XII turun daha bir oyunu keçirilib.
"QELEBE.AZ" xəbər verir ki, günün yeganə matçında "NTD-İndiqo" "Gəncə"nin qonağı olub.
Qarşılaşma Xaçmaz klubunun qələbəsi ilə yekunlaşıb - 94:80. Xallarının sayını 22-yə çatdıran "NTD-İndiqo" liderlər qrupundakı "Sabah" və "Xəzri"yə çatıb. Meydan sahibləri isə 14 xalla 9-cu sıradadır.
Qeyd edək ki, tura yanvarın 28-də baş tutacaq "Şəki" - "Neftçi" görüşü ilə yekun vurulacaq. Daha əvvəl "Xəzri" "Cəbrayıl"ı (100:81), "Xırdalan" "Sabah"ı (107:103), "Sərhədçi" isə "Sumqayıt"ı (91:63) məğlub edib.
