Çempionlar Liqasında ikinci finalçı müəyyənləşəcək
https://qalaba.az//uploads/photo/chempionlar-liqasinda-ikinci-finalchi-mueyyenleshecek.webp
Bu gün UEFA Çempionlar Liqasında ikinci finalçı müəyyənləşəcək.
"QELEBE.AZ" xəbər verir ki, yarımfinal mərhələsinin cavab oyununda "Real" İspaniyada Almaniyanın "Bavariya" klubunu qəbul edəcək.
Qarşılaşma Bakı vaxtı ilə saat 23:00-da start götürəcək. Matçın baş hakimi polşalı Şimon Marçinyak olacaq.
Münhendəki ilk matçda heç-heçə qeydə alınıb - 2:2. Qalib finalda Almaniyanın "Borussiya" (Dortmund) komandasına rəqib olacaq.
Qeyd edək ki, Çempionlar Liqasının finalı iyunun 1-də İngiltərənin paytaxtı Londondakı “Uembli” stadionunda keçiriləcək.
