Avropa çempionatı: Azərbaycan millisi seçmə mərhələdə Türkiyə yığmasını qəbul edəcək

Qadın futbolçulardan ibarət Azərbaycan millisi bu gün Avropa çempionatının seçmə mərhələsində növbəti oyununu keçirəcək.

"QELEBE.AZ"un məlumatına görə, Siyasət Əsgərovun baş məşqçisi olduğu yığma B Liqasının I qrupunda Türkiyə kollektivini qəbul edəcək.

“Liv Bona Dea Arena”da keçiriləcək qarşılaşma saat 19:00-da başlayacaq.

Komandamız mayın 31-də bu rəqibə minimal hesabla uduzub - 0:1.

Milli üç turdan sonra 1 xalla qrupda sonuncudur. Qardaş ölkə təmsilçisi isə 6 xalla ikincidir.

Qeyd edək ki, AVRO-2025-in final mərhələsi İsveçrədə baş tutacaq.