Portuqaliya millisinin hücumçusu İtaliya klubuna keçəcək

Portuqaliyanın "Porto" klubunun hücumçusu Fransisko Konseysao İtaliya təmsilçisi "Yuventus"a keçəcək.

“QELEBE.AZ” xarici KİV-ə istinadən xəbər verir ki, turinlilər Portuqaliya yığmasının 21 yaşlı üzvünü 7 milyon avro qarşılığında icarəyə götürəcək.

Bununla yanaşı İtaliya klubu əlavə 3 milyon avro bonus ödəyəcək. Ancaq müqavilədə satın alma variantı nəzərdə tutulmayıb.

Qeyd edək ki, F.Konseysao “Porto” komandasının heyətində keçirdiyi 93 oyun ərzində 11 qol vurub, 13 məhsuldar ötürmə edib.