UEFA-nın layihəsi Bakıdakı daha bir bağçada keçirilib

AFFA-nın dəstəyi ilə keçirilən UEFA-nın “HatTrick” proqramı çərçivəsində “Bağçalarda Futbol Dərsi” layihəsi davam edir.

"Report" milli assosiasiyanın rəsmi saytına istinadən xəbər verir ki, qurumun Kütləvi Futbol Departamentinin rəhbəri Fərrux İsmayılov və layihənin koordinatoru Orxan Mikayıllı bu gün Bakı şəhəri, Nizami rayonunda yerləşən 59 nömrəli uşaq bağçasında olublar.

AFFA rəsmiləri dərs prosesində uşaqlarla birlikdə iştirak ediblər.

Qeyd edək ki, layihə ölkəmizdə 6 uşaq bağçasında həyata keçirilir.