Azərbaycan Basketbol Liqası: "Gəncə" ardıcıl üçüncü qələbəsini qazanıb

"Gəncə" cari mövsüm Azərbaycan Basketbol Liqasında ardıcıl üçüncü qələbəsini qazanıb.

"QELEBE.AZ"un məlumatına görə, Halil Atlının baş məşqçisi olduğu kollektiv III turda "Ordu" ilə üz-üzə gəlib.

Qarşılaşma bölgə təmsilçisinin qalibiyyəti ilə yekunlaşıb - 82:61.

"Gəncə" ilk turda "Lənkəran"ı (90:75), II turda "Quba"nı (90:62) məğlub edib.

Qeyd edək ki, günün digər qarşılaşmasında "Quba" "Lənkəran"la qarşılaşacaq. Əvvəlki oyunlarda "Naxçıvan" "Sərhədçi"ni (83:66), NTD "Neftçi"ni (66:63) məğlub edib. Tura noyabrın 3-də iki matçla yekun vurulacaq.