NBA-da çıxış edən basketbolçu jurnalisti itələdiyinə görə cəzalanıb

Milli Basketbol Assosiasiyasında (NBA) çıxış edən “Filadelfiya 76” klubunun basketbolçusu Coel Embid jurnalisti itələdiyinə görə cəzalanıb.

“Report” BBC-yə istinadən xəbər verir ki, basketbolçu hərəkətinə görə 3 oyunluq diskvalifikasiya edilib.

2023-cü ildə NBA-nın ən dəyərli oyunçusu seçilən C.Embidin belə hərəkətə yol verməsinə səbəb jurnalistin onun oğlu, mərhum qardaşı haqqında, həmçinin özünün fiziki durumu və peşəkarlığı ilə bağlı tənqidi yazısı olub.

Qeyd edək ki, hadisə şənbə günü klubun “Memfis Qrizzlis”ə 107:124 hesablı məğlubiyyətindən sonra baş verib.