Kişi voleybolçular arasında Azərbaycan çempionatında turun proqramı bəlli olub

Kişi voleybolçular arasında Azərbaycan Yüksək Liqasında II turun proqramı bəlli olub.

Azərbaycan Voleybol Federasiyasının mətbuat xidmətindən "Report"a verilən məlumata görə, oyunlar dekabrın 10-11-də keçiriləcək.

Dekabrın 10-da MOİK - “Xilasedici” görüşü saat 15:00-da, "Azərreyl" - "Gənclər" qarşılaşması saat 17:00-da start götürəcək.

Növbəti gün saat 15:00-da isə “Murov Az Terminal” və "Neftçi" münasibətlərə aydınlıq gətirəcəklər.

Matçlar Gənclər və İdman Nazirliyinin Voleybol Mərkəzində təşkil ediləcək.