AŞF-nin vitse-prezidenti: "Şahmatçılarımızın dünya çempionatında uğur qazanacağına inanıram"
https://qalaba.az//uploads/photo/ashf-nin-vitse-prezidenti-shahmatchilarimizin-dunya-chempionatinda-ugur-qazanacagina-inaniram.webp
Qarşıda bizi rapid və blits üzrə dünya çempionatı gözləyir. İnanıram ki, şahmatçılarımız uğur qazanacaqlar.
"Report" xəbər verir ki, bunu Azərbaycan Şahmat Federasiyasının (AŞF) ilin yekunlarına həsr olunan tədbirində qurumun vitse-prezidenti Faiq Həsənov deyib.
O, təşkil etdikləri yarışları xatırladıb:
"Azərbaycan çempionatları çox yüksək səviyyədə keçirilib. FIDE-nin 100 illiyinə həsr olunmuş yarış, həmçinin Vüqar Həşimovun xatirəsinə Şuşada keçirilən turnir çox yüksək səviyyədə baş tutdu".
AŞF rəsmisi gənclərə üstünlük verdiklərini vurğulayıb:
"Bu il gənc şahmatçıların millinin heyətinə daxil edilməsinə qərar verdik. Aydın Süleymanlını yığmaya cəlb etdik. Qarşıda bizi rapid və blits üzrə dünya çempionatı gözləyir. İnanıram ki, şahmatçılarımız uğur qazanacaqlar".
