AFFA İntizam Komitəsi hakimlər otağına girən baş məşqçini cəzalandırıb
https://qalaba.az//uploads/photo/affa-intizam-komitesi-hakimler-otagina-giren-bash-meshqchini-cezalandirib.webp
Futbol üzrə Azərbaycan I Liqasında çıxış edən "Qaradağ Lökbatan" komandasının baş məşqçisi Amit Quluzadə 3 oyunluq cəzalandırılıb.
"QELEBE.AZ" xəbər verir ki. bu barədə AFFA İntizam Komitəsinin iclasında qərar çıxarılıb.
Buna mütəxəssisin XVII turda MOİK-lə görüşdən sonra hakimlərin qərarına etiraz etdikdən sonra qırmızı vərəqə alması və ədalət təmsilçilərinin otağına daxil olması səbəb olub. “Qaradağ Lökbatan” klubu 300 manat cərimə edilib.
"İmişli"nin legioneri Gilyerme Silva isə 4 oyunluq cəza ilə üzləşib. O, "Mingəçevir"lə görüşdə təcavüzkar davranışa görə birbaşa qırmızı vərəqə almışdı. Bölgə təmsilçisi onun bu hərəkətinə görə 300 manat ödəyəcək.
