Türkiyə Kubokunda "Qalatasaray" "Fənərbağça"nı məğlub edərək yarımfinala yüksəlib
https://qalaba.az//uploads/photo/turkiye-kubokunda-qalatasaray-fenerbagchani-meglub-ederek-yarimfinala-yukselib.webp
"Qalatasaray" Türkiyə Kubokunun 1/4 final mərhələsində "Fənərbağça"ya qalib gəlib.
"Report" xəbər verir ki, "Ülker" stadiyonunda keçirilən matçda 2:1 hesablı qələbə qazanan "sarı-qırmızılar" yarımfinala adlayıblar.
Qonaqların heyətində Viktor Osimhen dubl (10, 27) müəllifi olub. Meydan sahiblərinin yeganə qolunu isə Sebastyan Şimanskiy (45+2) vurub.
"Qalatasaray" finala gedən yolda "Konyaspor"la üz-üzə gələcək.
Qeyd edək ki, günün ilk matçında “Trabzonspor” öz meydanında “Bodrumspor”u 3:2 hesabı ilə məğlub edərək yarımfinala yüksəlib.
