“Fənərbaxça”-“Qalatasaray” derbisində iğtişaş törədən 43 nəfər məsuliyyətə cəlb olunub

Aprelin 2-də Türkiyə Kubokunun 1/4 final mərhələsində “Fənərbaxça” evdə “Qalatasaray”a 1:2 məğlub olub.

Apasport.az xəbər verir ki, Ülker Stadionunda baş tutan derbidə iğtişaş törədərək qaydaları pozan 43 nəfər məsuliyyətə cəlb olunub.

Ümumilikdə 52 152 azarkeşin izlədiyi qarşılaşmada 43 nəfər barəsində "təxribat törətmə", "obyektlərə ziyan vurma", "söyüş və təhqiramiz şüarlar səsləndirmə", "idman meydançalarına qanunsuz daxil olma və qanunsuz maddə gəzdirmə" ittihamları irəli sürülüb, onlardan 4-ü matç zamanı məşəl yandırmaqda ittiham olunub.

Qeyd edək ki, qarşılaşmada 2:1 qələbə qazanan "cimbom" yarımfinala yüksəlib.