Azərbaycan klubunun prezidenti 5 oyunluq cəzalanıb

Futbol üzrə Azərbaycan II Liqasında çıxış edən “Hypers Guba” klubunun prezidenti Ayaz Abdullayev 5 oyunluq cəzalanıb.

“Report” xəbər verir ki, bu barədə AFFA İntizam Komitəsinin iclasında qərar qəbul olunub.

Prezidentin cəzalanmasına səbəb XIX turda baş tutan “Ağdaş”la oyundan sonra hakimi təhqir etməsi olub. klub rəsmisinə bu hərəkətinə görə 3 oyun şərti olmaqla 5 oyun cəza verilib. Həmçinin “Hypers Guba”  400 manat cərimələnib. Sınaq müddəti 3 ay təyin edilib.

“Hypers Guba”nın məşqçisi Rəsul Babazadə isə meydana daxil olaraq hakimi təhdid etdiyinə görə 2 oyun cəzalanıb, klub 100 manat cərimələnib.

01.04.2025-ci il tarixində II Liqada XIX turun “Hypers Guba” – “Ağdaş” oyununda “Hypers Guba” klubunun 5 futbolçusu sarı vərəqə aldığı üçün “Hypers Guba” komandası 70 manat cərimə edilsin (maddə 37);

01.04.2025-ci il tarixində II Liqada XIX turun “Hypers Guba” – “Ağdaş” oyununun 89-cu dəqiqəsində “Hypers Guba” klubunun 25 nömrəli futbolçusu Baxşəli Baxşəliyev ciddi qayda pozuntusuna görə birbaşa qırmızı vərəqə aldığı üçün 2 oyun cəzalansın, “Hypers Guba” komandası 150 manat cərimə edilsin (maddə 39.1);

01.04.2025-ci il tarixində II Liqada XIX turun “Hypers Guba” – “Ağdaş” oyununun 90+4-cü dəqiqəsində “Hypers Guba” klubunun 6 nömrəli futbolçusu Xaqan Məmmədov ikinci sarıdan qırmızı vərəqə aldığı üçün 1 oyun cəzalansın, “Hypers Guba” komandası 50 manat cərimə edilsin (maddə 36.5);

01.04.2025-ci il tarixində II Liqada XIX turun “Hypers Guba” – “Ağdaş” oyununda meydançaya kənar şəxslər daxil olduğuna görə “Hypers Guba” komandası 80 manat cərimə edilsin (maddə 51.2);